Xojeli hám Qońırat rayonlarındaǵı mámleketlik mektepke shekemgi bilimlendiriw shólkem direktor orınbasarlarınıń qatnasıwında gezektegi oqıw seminarı shólkemlestirilmekte. Ilaj dawamında: – Ózbekstan Respublikası Mektepke shekemgi hám mektep bilimlendiriwi ministrliginiń 2026-jıl 16-fevral kúni ZooM platforması arqalı berilgen tapsırmalarınıń orınlanıwı; – tarawda ámelge asırılıp atırǵan keń kólemli reformalar; – Ózbekstan Respublikası Prezidenti tárepinen 2026-jıl 5-fevralda qabıl etilgen “Mektepke shekemgi bilimlendiriw hám tárbiya sistemasın jáne de jetilistiriw ilajları haqqında”ǵı PQ-19-sanlı Pármannıń mazmun-mánisi; – sonday-aq, Ózbekstan Respublikası Mektepke shekemgi hám mektep bilimlendiriwi ministrliginiń 2025-jıl 29-avgusttaǵı 323-sanlı buyrıǵınıń talapları keń hám hár tárepleme túsintirilip atır. Seminardıń tiykarǵı maqseti – mektepke shekemgi bilimlendiriw sistemasında alıp barılıp atırǵan reformalardıń mazmunın tereń túsiniw, berilgen tapsırmalardıń orınlanıwın nátiyjeli shólkemlestiriw hám basshı xızmetkerlerdiń basqarıw potencialın jáne de arttırıwdan ibarat. 
