Ózbekstan Respublikası Prezidenti janındaǵı “El-yurt umidi” qorınıń baslaması menen Beruniy rayonında jaslar ushın áhmiyetli seminar ótkerildi
Ilaj Beruniy rayonı Jaslar orayında bolıp ótip, onda mektep pitkeriwshileri, jas oqıtıwshılar, sociallıq qorǵawǵa mútáj shańaraqlardıń perzentleri hám máhálleniń belsendi jasları qatnastı.
Seminar dawamında juwapkerler Ózbekstan Respublikası Prezidentiniń 2025-jıl 14-avgusttaǵı “Qaraqalpaqstan Respublikasın sociallıq-ekonomikalıq rawajlandırıwǵa qaratılǵan ilajlardı bunnan bılay da jedellestiriw haqqında”ǵı PQ-248-sanlı qararına muwapıq Perspektivalı kadrlardı tayarlaw boyınsha “El-yurt umidi” qorı menen birgelikte “Prezident qábiletli perzentleri” baslaması sheńberinde hár jılı talaptan kelip shıǵıp, Qaraqalpaqstan Respublikasında turaqlı jasaytuǵın hám ulıwma orta bilimlendiriw mákemelerin tamamlaǵan 50 ge shekemgi jaslardıń sırt elde bilim alıwın támiyinlew názerde tutılǵan joybarlar menen tanıstırdı.
Ilaj dawamında qatnasıwshılarǵa sırt elde bilim alıw, grantlar hám kásiplik rawajlanıw imkaniyatları haqqında maǵlıwmatlar berildi. Bunday seminarlar jaslardıń keleshekke bolǵan isenimin bekkemlep, jańa imkaniyatlarǵa baǵdarlaydı.
