JASLARǴA TIYISLI REFORMALARDÍŃ NÁTIYJELILIGIN ARTTÍRÍW BOYÍNSHA ILAJLAR BAǴDARLAMASÍNÍŃ ORÍNLANÍWÍ TÁMIYINLENBEKTE

Búgin Ózbekstan Respublikası Mektepke shekemgi hám mektep bilimlendiriwi ministrliginiń juwaplı xızmetkeri Dilshod Ismoilov hám Qori Niyaziy atındaǵı Tárbiya pedagogika milliy institutınıń jetekshi qánigesi Oybek Musulmonkulovlar bilimlendiriwdi reformalaw hám kompleks ilajlar baǵdarlamasınıń orınlanıwı boyınsha Qaraqalpaqstan Respublikasında boldı.

Dáslep miymanlar Nókis qalasındaǵı 19-sanlı hám 36-sanlı ulıwma orta bilim beriw mekteplerine barılıp, oqıwshılar ushın jaratılǵan sharayatlar, bilimlendiriwdiń sapası hám de tárbiyalıq ortalıq úyrenildi.

️Bunnan soń, Nókis qalası Mektepke shekemgi hám mektep bilimlendiriwi bóliminde bolıp, aymaqta ámelge asırılıp atırǵan ruwxıy-aǵartıwshılıq jumıslar menen jaqınnan tanıstı. Processler tereń tallanıp, sistemanı bunnan bılay da jetilistiriw boyınsha áhmiyetli pikir hám usınıslar bildirildi.

Sonday-aq, olar Respublikalıq “Keleshek orayı” tárepinen shólkemlestirilgen Nawrız seyilinde qatnasıp, bayram keypiyatı hám jaslardıń jumısı menen tanıstı.