📍 Nókis qalası 1-sanlı qánigelestirilgen mektep-internatınıń pitkeriwshi klass oqıwshıları jáne bir márte bilim dárejesin ámelde kórsetti. Quwanıshlı tárepi sonda, olardıń arasınan 9 oqıwshı ulıwma bilim beriw pánlerin biliw dárejesin anıqlaw boyınsha zárúr sertifikatlardı qolǵa kirgizip, 189 ball menen mámleketlik imtixanǵa kirmesten studentlik baxtına eristi! Bunnan tısqarı: – 2 oqıwshı Tashkent qalasındaǵı Moskva injenerlik fizikası institutı Milliy izertlew yadro universiteti filialı tárepinen ótkerilgen olimpiadada jeńimpaz bolıp, grand tiykarında studentlikke qabıllandı. – 1 oqıwshı xalıqaralıq tańlawda tabıslı qatnasıp, Sankt-Peterburg Mámleketlik universitetiniń “Menejment hám mámleketlik hám municipal basqarıw” fakultetiniń grand tiykarında studentlikke qabıllandı. – 1 oqıwshı Italiyanıń Vareze qalasında bolıp ótken akademik eskek esiw boyınsha Jáhán kuboginde (PR3 Mix4+ kategoriyası) joqarı nátiyje kórsetip, sport ustası sertifikatın qolǵa kirgizdi hám múddetinen aldın dene tárbiyası baǵdarındaǵı joqarı oqıw ornına grand tiykarında qabıl etildi. Jámi: 13 oqıwshı múddetinen aldın student boldı! Barlıq studentlikke qabıl etilgen oqıwshılardı qızǵın qutlıqlaymız!