Áskeriy-sport jarısınıń tiykarǵı maqseti – oqıwshılar arasında watansúyiwshilik sezimlerin bekkemlew, olardı fizikalıq hám ruwxıy jaqtan shınıqtırıw jáne áskeriy xızmetke bolǵan qızıǵıwshılıǵın arttırıwdan ibarat.

Sonday-aq, jarıs arqalı jaslardı jámáátte islew, tártip-intizam hám juwapkershilik ruwxında tárbiyalaw, ayrıqsha jaǵdaylarda durıs háreket etiw kónlikpelerin qáliplestiriw, shegara qáwipsizligi hám Watandı qorǵawdıń áhmiyetin ańlatıw, salamat turmıs tárizin úgit-násiyatlaw maqset etiledi.

Jarıs juwmaǵında:

🥇-orın Qońırat rayonı 54-sanlı mekteptiń “Ústirt sarkardaraları”;
🥈-orın Ámiwdárya rayonı 17-sanlı mektep “Sarxad”;
🥉-orın Shomanay rayonı Qánigelestirilgen mekteptiń “Turan” komadası iyeledi.

Jeńimpazlar shólkemlestiriwshiler tárepinen diplom hám estelik sawģaları menen sıylıqlandı.