Salamat awqatlanıwdı shólkemlestiriw boyınsha Respublikalıq oqıw-seminarı ótkerildi
Qaraqalpaqstan Respublikası Mektepke shekemgi hám mektep bilimlendiriwi ministrliginde “Mektepke shekemgi bilimlendiriw mákemelerinde salamat awqatlanıw jumısların shólkemlestiriw” atamasında Respublikalıq oqıw-seminarı ótkerildi.
Seminarǵa ministrliktiń juwaplı wákilleri, Taqıyatas rayonı Sanitariya-epidemiologiyalıq tınıshlıq hám jámiyet salamatlıǵı bóliminiń baslıǵı G.Djadigerova, sonday-aq, mektepke shekemgi bilimlendiriw shólkemleriniń juwaplı xızmetkerleri qatnastı.
Seminar dawamında:
🔹 balalardı salamat hám qáwipsiz awqatlandırıwdı duris shólkemlestiriw;
🔹 sanitariya qaģıydaları hám normalarına qatań ámel etiw;
🔹 azıq-awqat ónimlerin qabil etiw, saqlaw hám tasıw;
🔹 sapalı hám qáwipsiz awqat tayarlaw processlerin jetilistiriw máseleleri dodalandı.
Sonday-aq, qatnasıwshılarǵa Ministrler Kabinetiniń 2019-jıl 25-iyuldegi 626-sanlı qararı hám Densawlıqtı saqlaw ministrligi hám Mektepke shekemgi hám mektep bilimlendiriwi ministrliginiń 2024-jıl 11-dekabrdegi 18/41-sanlı qospa qararınıń mazmunı hám olardı ámeliyatqa engiziw tártibi túsindirildi.
Seminar sheńberinde salamat awqatlanıw sistemasın jetilistiriw, balalar salamatlıǵın qorǵaw, awqat sapasın qadaǵalaw hám sanitariyalıq talaplarǵa ámel etiw boyınsha tájiriybe almasıldı hám ámeliy usınıslar berildi.
