Ózbekstan Respublikası Mektepke shekemgi hám mektep bilimlendiriwi ministriniń orınbasarı Farxod Boqiyev basshılıǵında “Keleshek” oraylarınıń jumıs nátiyjeliligine baǵıshlanǵan ashıq sáwbet ótkerildi.
Zoom platforması arqalı shólkemlestirilgen sáwbette “Keleshek” orayı direktorı hám orınbasarları, Respublikalıq sport kompleksi baslıqları, Qaraqalpaqstan Respublikası hám wálayatlar “Keleshek” orayları hám Balalar kitapxanaları direktorları, Balalar turistlik bazası, rayon(qala)lıq “Keleshek” orayları direktorları qatnastı.
Sáwbet dawamında:
➖ dógereklerdiń zamanagóy oqıw baǵdarlamaları menen támiyinlengenligi;
➖ oqıwshılar qamtıp alıwı;
➖ mektep keńesgóyleri iskerligi;
➖ turistlik bazalardan nátiyjeli paydalanıw;
➖ sport hám balalar kitapxanaları jumısı dodalandı.
Sonday-aq, aymaqlıq “Keleshek” orayları basshılarınıń esabatları tıńlanıp, bar mashqalalar hám keleshektegi wazıypalar boyınsha tiyisli tapsırmalar belgilendi.
Ashıq sáwbet dawamında ministrdiń orınbasarı “Keleshek” oraylarındaǵı dógereklerdiń jumısı menen jaqınnan tanısıp, oqıwshılar ushın jaratılǵan imkaniyatlar, sabaqlardıń mazmunı hám dógereklerdiń nátiyjeliligine ayrıqsha itibar qarattı.
