Nókis qalasındaǵı 55-sanlı ulıwma orta bilim beriw mektebinde Tashkent qalasınan kelgen tájiriybeli IT-mentorlardıń qatnasıwında “Sanlı áwlad” kóshpeli IT-ilajı sheńberinde “Sanlı áwlad qızları” tańlawına tayarlıq kóriw hám hayal-qızlardıń málimleme texnologiyaları tarawına bolǵan qızıǵıwshılıǵın arttırıwǵa qaratılǵan seminar hám ámeliy sabaqlar shólkemlestirildi.

Ilajdıń ashılıw máresiminde ministrdiń birinshi orınbasarı A.Dauletbaev hám Digital Generation Uzbekistan Mámleketlik emes kommerciyalıq emes shólkem direktori A.Djalalovlar qatnasıp, seminar jumısına start berdi.

Seminar dawamında:
➖ mentorlar tárepinen málimleme texnologiyalarınıń áhmiyetli baǵdarları boyınsha sheberlik sabaqları,
➖ ámeliy shınıǵıwlar hám prezentaciyalar;
➖ IT tarawındaǵı zamanagóy tendenciyalar;
➖ sanlı sawatlılıq;
➖ámeliy joybarlar ústinde islew;
➖dóretiwshilik hám logikalıq pikirlewdi rawajlandırıw boyınsha túsinikler berildi.

Sonday-aq, tańlawda qatnasıw tilegindegi qızlarǵa óz ideyaların qáliplestiriw, joybarların usınıw hám ámeliy kónlikpelerin bekkemlew boyınsha usınıslar berildi. Seminar qatnasıwshılardıń óz-ara pikir alısıwı, mentorlar menen tikkeley sóylesiwi hám qızıqtırǵan sorawlarına juwap alıwı ushın da nátiyjeli maydan boldı. Ámeliy sabaqlar jaslardıń IT tarawına baylanıslı bilimlerin bekkemlew, óz betinshe izleniw hám jańa sanlı sheshimler jaratıwǵa bolǵan umtılısın xoshametlewge qaratıldı.