Ózbekstan Respublikası Ǵárezsizliginiń 35 jıllıǵı bayramı aldınan Beruniy rayonı Abay APJ aymaǵında jaylasqan 60-sanlı mektepke shekemgi bilimlendiriw shólkemi paydalanıwǵa tapsırıldı.
Bul zamanagóy bilimlendiriw orayı Ózbekstan Respublikası Prezidentiniń PQ-5246-sanlı qararı tiykarında, Islam rawajlanıw banki hám OPEK xalıqaralıq rawajlanıw fondı baǵdarlaması sheńberinde awıllıq aymaqlarda jasaytuǵın balalar ushın qolaylı hám zamanagóy sharayatlar jaratıw maqsetinde qurıldı.
90 orınlıq jańa mektepke shekemgi bilimlendiriw shólkemi zamanagóy talaplarǵa juwap beretuǵın sharayatlar menen támiyinlendi.
Qurılıs-ońlaw jumısların ámelge asırıw ushın jámi 4 mlrd 900 mln sum qarjı qaratıldı.
Jańa bilimlendiriw ornınıń paydalanıwǵa tapsırılıwı aymaqtaǵı balalardıń sapalı tálim-tárbiya alıwı ushın jáne de keń imkaniyatlar jaratadı.
