“Mártlik klassları” oqıwshıları saltanatlı wáde berdi!

Búgin Qaraqalpaqstan Respublikasınıń barlıq rayon hám (qala)larında 2026-2027-oqıw jılı ushın Mártlik klasslarına qabıl etilgen oqıwshılardıń saltanatlı wáde beriw ilajları bolıp ótti.

Saltanatlı máresimlerde oqıwshılar Watanǵa sadıqlıq, eldiń tınıshlıǵı hám rawajlanıwı jolında xızmet etiw, intizamlı, isenimli hám juwapkershilikli insan bolıp ósiwge umtılıwların bildirdi.

➖ Ózbekstan Respublikası Prezidentiniń 2024-jıl 15-noyabrdegi PQ-393-sanlı qararı hám Ministrler Kabinetiniń 2025-jıl 3-noyabrdegi 688-sanlı qararı “Mártlik mektepleri” jumısın shólkemlestiriw hám rawajlandırıwdıń áhmiyetli huqıqıy tiykarı bolıp esaplanadı.

Bunda tiykarǵı maqseti – jaslardı tek bilimli emes, al fizikalıq jaqtan kúshli, ruwxıy jetik, tártipli, isenimli hám Watan táǵdirine baylanıslılıq sezimi menen jasaytuǵın insanlar etip tárbiyalaw bolıp tabıladı.

Búgingi kúnde Qaraqalpaqstan Respublikasında jámi 442 oqıwshı mártlik klasslarına qabıl etilgen.

Fotokórinislerde: Nókis qalası, Xojeli, Taqıyatas, Bozataw, Nókis rayonlarında ótkerilgen ilajlar.