TIYKARǴÍ OLIMPIADA: AYMAQLAR KESIMINDE – INTELLEKTUAL REYTING 2026 Tiykarǵı olimpiadanıń Respublikalıq basqıshı tabıslı juwmaqlandı. Sońǵı nátiyjelerge muwapıq, eń jetekshi aymaqlardı anıqlaw maqsetinde arnawlı intellektual reyting dúzildi. Quwanıshlı jańalıq! Reyting natıyjelerine kóre, Qaraqalpaqstan Respublikası joqarı kórsetkishler menen 2-orındı iyeledi! Bul – bilimli jaslarımızdıń, ustazlarımızdıń hám tarawda joqarı dárejede alıp barılıp atırǵan jumıslardıń haqıyqıy nátiyjesi bolıp esaplanadı. Alǵa, jańa jetiskenlikler qaray! 
Qaraqalpaqstanda bilimlendiriw sıpatı asırılmaqta Qaraqalpaqstan Respublikası Mektepke shekemgi hám mektep bilimlendiriwi ministrligi tárepinen ulıwma bilim beriw mekteplerinde bilimlendiriwdiń sıpatın asırıwǵa qaratılǵan bir qatar unamlı jumıslar ámelge asırılıp kelinbekte. ✅Atap aytqanda, ulıwma bilim beriw mekteplerindegi 8-11-klass oqıwshılarınıń ulıwma bilim beriw pánlerinen xalıqaralıq hám milliy sertifikatlar úlesi 2025-jılǵa salıstırǵanda, 2026-jıl mart halatına nátiyjeler unamlı tárepke ózgergenligin kóriwimiz múmkin. ✅Máselen: 2025-jılda 8-11-klass oqıwshılarınıń ulıwma bilim beriw pánlerinen xalıqaralıq hám milliy sertifikatlar úlesi 3 103 oqıwshını (2,67%) quraǵan bolsa, 2026-jılda bul kórsetkish 7 767 oqıwshını (6,7%) qurap, sertifikatqa iye oqıwshı sanı 4 664 (+4,01%) ke kóbeydi. 
