• ulıwma orta hám mektepten tısqarı bilimlendiriw tarawında oqıwshılardıń ruwxıy-ádep-ikramlılıq, intellektuallıq hám fizikalıq rawajlanıw dárejesin bunnan bılay da arttırıwǵa baǵdarlanǵan birden-bir mámleketlik siyasattı islep shıǵıw hám ámelge asırıw;
  • mektepten tısqarı bilimlendiriwge bolǵan ulıwma orta bilim beriw mámleketlik bilimlendiriw standartları hám mámleketlik talaplarına muwapıq ulıwma bilim beriw mákemeleriniń jumısın metodikalıq basqarıwdı ámelge asırıw;
  • oqıtıwshı kásibiniń statusın hám abırayın kóteriw, ulıwma bilimlendiriw mákemeleriniń xızmetkerleri, sonday-aq, Mektepke shekemgi hám mektep bilimlendiriwi ministrligi sisteması xızmetkerleriniń materiallıq hám sociallıq qollap-quwatlanıwın támiyinlew, olardıń nátiyjeli miynet etiwi ushın múnásip sharayatlar jaratıw;
  • oqıw-tárbiya processine bilimlendiriwdiń innovaciyalıq formaların, zamanagóy pedagogikalıq hám málimleme texnologiyaların, kásipke baǵdarlawdıń nátiyjeli usılların, zamanagóy pedagogikalıq hám málimleme texnologiyaların, kásipke baǵdarlawdıń nátiyjeli usılların, oqıwshılardıń oqıw, psixologiyalıq hám fizikalıq júklemeleriniń optimallastırılıwın esapqa alǵan halda oqıtıw hám tárbiyalawdı engiziw;
  • ulıwma bilim beriw mákemelerinde shet tilin oqıtıwdıń nátiyjeliligin támiyinlewge qaratılǵan kompleksli ilajlardı ámelge asırıw;
  • mazmunı hám sapası jaǵınan xalıqaralıq talaplarǵa juwap beretuǵın, jańa pedagogikalıq hám málimleme-kommunikaciya texnologiyaların qollanǵan halda jańalanǵan oqıw rejeleri hám baǵdarlamalarına muwapıq islep shıǵılǵan oqıw hám oqıw-metodikalıq ádebiyatlardıń jańa áwladınıń jaratılıwı hám basıp shıǵarılıwın shólkemlestiriw;
  • mámleketlik emes bilimlendiriw xızmetleri sektorın bunnan bılay da rawajlandırıw, Mektepke shekemgi hám mektep bilimlendiriwi ministrligi tarawında mámleketlik-jeke menshik sheriklik ushın qolaylı sharayatlar jaratıw;
  • pedagog kadrlardı tańlap alıw, tayarlaw, qayta tayarlaw hám olardıń mamanlıǵın arttırıw boyınsha aldınǵı hám ashıq-aydın shólkemlestiriwshilik-huqıqıy mexanizmlerdi engiziw;
  • ulıwma orta hám mektepten tısqarı bilimlendiriw mákemeleri tárepinen mámleketlik bilimlendiriw standartları hám talaplarınıń orınlanıwınıń sistemalı monitoringin alıp barıw;
  • ulıwma bilim beriw mákemeleriniń 10-11-klass oqıwshılarına kásip-óner bilimlendiriwin támiyinlew boyınsha jumıstı muwapıqlastırıw;
  • Mektepke shekemgi hám mektep bilimlendiriwi ministrligi sistemasındaǵı mákemelerdiń materiallıq-texnikalıq bazasın bekkemlew, olardıń imarat hám obektlerinen paydalanıw boyınsha jumıslardı monitoring etiw hám usı jumıslardı muwapıqlastırıw.