Ózbekstan Respublikası Prezidentiniń 2024-jıl 2-fevraldaǵı “Ulıwma orta bilim beriw mákemelerinde oqıwshılardı shet tili hám zamanagóy kásiplerge oqıtıw boyınsha qosımsha is-ilajlar haqqında”ǵı qararına muwapıq 2024-2025-oqıw jılınan baslap tájiriybe-sınaw sıpatında respublikamızdaǵı jámi 17 ulıwma orta bilim beriw mekteplerinde oqıwshılardı kásip-ónerge úyretiw boyınsha kásiplik tálim ustası shtatı engizildi. Jańadan engizilgen kásiplik tálim ustası shtatına jumısqa alınǵan ustalardı kásiplik rawajlandırıp barıw hámde Qaraqalpaqstan Respublikası tájiriybesin en jaydırıw maqsetinde ministrlik tárepinen tastıyıqlanǵan rejege tiykarlanıp 2025-jıl 6-yanvar kúni Taxtakópir rayonı 6-sanlı ulıwma orta bilim beriw mektebinde “Kásiplik tálimdi rawajlandırıw ” atamasında Respublikalıq seminar shólkemlestirildi. Kásiplik tálim ustaları seminardan ózlestirgen bilim hám tájiriybelerin óz ámeliyatında qollanıp oqıwshılarǵa kásiplik sırların tereń úyretip, óz jumıs tájiriybelerin jáne de bayıtıp baradı. Kásiplik tálimdi rawajlandırıw kúnleri hár aydıń 1-3-hápteliginde dúyshembi kúninde ótkeriw belgilengen.