Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva Beruniy rayonında 2024-jılı ámelge asırılǵan jumıslar hám sistemada jol qoyılǵan kemshilikler boyınsha mektepke shekemgi hám mektep bilimlendiriwi bólimine qaraslı mektep hám mektepke shekemgi bilimlendiriw shólkemlerinde alıp barılıp atırǵan jumıslar boyınsha kóshpeli májilis ótkerdi.

Húrmetli Prezidentimiz tárepinen mektepke shekemgi hám mektep bilimlendiriwi sistemasına berip atırǵan itibarı hám jaratıp atırǵan sharayatları sebepli, sistemada úlken ózgerisler júz berip atır. Eń shetki awıllarda zamanagóy mektepke shekemgi bilimlendiriw shólkemleri qurılıp, jas áwlad ushın barlıq sharayatlar jaratılǵan. Mektep bilimlendiriwin jańa basqıshqa alıp shıǵıw baǵdarında mámleketlik hám investiciyalıq baǵdarlamalar, sırt el grantları tiykarında bir qatar jumıslar ámelge asırılmaqta.

Usıǵan qaramastan, basshılar zaman talabına beyimlespey atırǵanı májilis dawamında ministr tárepinen sınǵa alındı. 2025-jıl dawamında orınlanıwı kerek bolǵan jumıslarǵa toqtap, tiyisli taraw juwapkerleriniń málimlemeleri tıńlandı. Májilis dawamında bir qatar máseleler kórip shıǵıldı. Jumısı dawamında kemshiliklerge jol qoyǵan basshılarǵa intizamıy sharalar qollanıw boyınsha kórsetpeler berildi.