Taxtakópir rayonı hákimliginiń májilisler zalında Qaraqalpaqstan Respublikası Mektepke shekemgi hám mektep bilimlendiriwi ministrligi hám Taxtakópir rayonı hákimligi arasında 2026-jıl 16-oktyabr kúni dúzilgen qospa qararında belgilengen wazıypalardıń orınlanıwına baǵıshlanǵan ashıq sáwbet bolıp ótti.

Onda Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev, Taxtakópir rayonı hákiminiń orınbasarı Sh.Bekturǵanov, rayonlıq Mektepke shekemgi hám mektep bilimlendiriw bólimi xızmetkerleri hám rayondaǵı barlıq ulıwma orta bilim beriw mektepleriniń direktorları qatnastı.

➖ Ashıqtan-ashıq sóylesiw dawamında rayondaǵı bilimlendiriw sistemasında ámelge asırılıp atırǵan jumıslar sın kózqarastan tallap shıǵılıp, bar qáte-kemshiliklerdi saplastırıw, bilimlendiriwdiń sapasın hám nátiyjeliligin arttırıw boyınsha anıq wazıypalar belgilep alındı.

Sonıń ishinde, tómendegi baǵdarlardaǵı nátiyjelilik kórsetkishlerine ayrıqsha itibar qaratıldı:

➖ Oqıtıwshılardıń pánler boyınsha milliy hám xalıqaralıq sertifikatlarga iye boliw dárejesi;
➖ Pedagoglardıń aldınǵı jumıs tájiriybelerin ǵalaba en jaydırıw;
➖ Orta arnawlı maǵlıwmatlı oqıtıwshılar jumısınıń nátiyjeliligin arttırıw;
➖ 11-klass pitkeriwshileriniń joqarı bilimlendiriw mákemelerine kiriw kórsetkishleri hám ortasha ball nátiyjeleri;
➖ Oqıwshılardıń pánler boyınsha milliy hám xalıqaralıq sertifikatlardı qolǵa kirgiziwi;
➖ Qábiletli hám IT tarawında dáramat tabıwshı oqıwshılar úlesin arttırıw;
➖ “Bes million jasalma intellekt jetekshileri” joybarı sheńberindegi jumıslardıń nátiyjeliligin támiyinlew.

Tiykarǵı maqset — Taxtakópir rayonında bilimlendiriwdiń sapasın jańa basqıshqa alıp shıǵıw, pedagoglardıń potencialın arttırıw hám oqıwshılardıń bilim hám kónlikpelerin bunnan bılay da rawajlandırıwdan ibarat.