Usı jılı 27-fevral kúni Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında ulıwma orta bilim beriw mektepleriniń 10-11-klass oqıwshıları ushın jáne bir qolaylıq jaratıw maqsetinde ushırasıw ótkerildi. Ushırasıwǵa Gubkin atındaǵı Rossiya mámleketlik neft-gaz universitetiniń Tashkent filialı atqarıwshı direktorı A.Magrupov hám Ilimiy isler hám innovaciyalar boyınsha direktor orıbasarı D.Jumabaev, Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev, rayon (qala)lıq ulıwma orta bilim beriw mektep direktorları qatnastı. Ilajda Qaraqalpaqstanlı oqıwshılar ushın jańa joybarlar menen tanıstırıp ótti. Atap aytqanda: – 11-klass oqıwshıları arasında rus tili hám matematika pánlerinen olimpiada ótkeriw, jeńimpaz oqıwshılardı usı joqarı bilimlendiriw mákemesine grant tiykarında oqıwǵa kiriwine jollama beriw; – Rus tili hám matematika páni muǵallimleri arasında tańlaw ótkeriw hám jaqsı nátiyjelerge erisken pán muǵallimlerin Moskva qalasındaǵı Gubkin atındaǵı Rossiya mámleketlik neft-gaz universiteti hám oǵan qaraslı mekteplerge bilimlendiriw saparına jiberiw boyınsha kelisimge erisildi. 
