Qaraqalpaqstan Respublikası Mektepke shekemgi hám mektep bilimlendiriw ministrligi tárepinen tastıyıqlanǵan “Qaraqalpaqstan Respublikasında kásiplik bilimlendiriw ustaları ushın kásipkke baǵdarlawdı rawajlandırıw kúni”n ótkeriw grafigi tiykarında Bozataw rayonı 4-sanlı ulıwma orta bilim beriw mektebinde áhmiyetli ilaj – respublikalıq seminar shólkemlestirildi.

Seminar sheńberinde kásiplik bilimlendiriw ustaları ushın “Kásiplik bilimlendiriwdi rawajlandırıw,” mektep ámeliyatshı psixologları ushın “Pozitivlik – jańa dáwir talabı” temalarında sáwbet ótkerildi.

Ilajda tigiwshilik hám sheberlik baǵdarları boyınsha jumıs alıp barıp atırǵan kásiplik bilimlendiriw ustaları hám mektep psixologları óz-ara tájiriybe almasıw, innovaciyalıq kózqaraslardı dodalaw, ámeliy bilimlerin tereńlestiriw imkaniyatına iye boldı.

Seminar qatnasıwshıları óz tarawlarına baylanıslı aldınǵı tájiriybelerdi kórsetip, kásiplik sırlar menen pikirlesti, sonday-aq, bul tájiriybelerdi kúndelikli jumıs iskerligine engiziw jolların hár tárepleme dodaladı. Bunday ámeliy ushırasıwlar pedagoglardıń mamanlıǵın hám kompetenciyasın arttırıw, sonday-aq, bilimlendiriwdiń sapasın jaqsılawǵa xızmet etetuǵını menen áhmiyetli bolıp esaplanadı.