Qaraqalpaqstan Respublikası Mektepke shekemgi hám mektep bilimlendiriw ministrligi tárepinen usı jıldıń 11-iyun sánesinde 2024-2025-, 2025-2026-oqıw jılı ushın belgilep alınǵan «Bilimlendiriw sapası joqarı bolmaǵan mektep» direktorları ushın «Áhmiyetli 90 kún» sheńberindegi ilájlardıń orınlanıwı ámeliyatta» atamasındaǵı Respublikalıq ámeliy-seminar shólkemlestirildi.
Ilajǵa Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev, Bilimlendiriw orayı direktorı Q.Jubanov, ministrlik xızmetkerleri hám bilimlendiriw sapası joqarı bolmaǵan mektep direktorları qatnastı.
Ózbekstan Respublikası Ministrler Kabinetiniń 2021-jıl 15-oktyabrdegi 646-sanlı qararı tiykarında hár jılı mart ayında arnawlı bahalaw kriteriyaları menen ulıwma bilim beriw mektepleri bahalanıp, bilimlendiriw sapası joqarı bolmaǵan mektepler dizimi járiyalanıp kelinbekte.
Usı bahalaw kriteriyasında:
• Pitkeriwshilerdiń joqarı oqıw orınlarına oqıwǵa qabıl etiliwi;
• Mekteptiń reytingi;
• Pedagog kadrlardıń sapa quramı;
• Pánler olimpiadasında oqıwshılardıń qatnası;
• Zamanagóy mekteplerge qoyılǵan talaplar tiykarında 700 den aslap mekteplerdiń nátiyjeleri bahalanǵan.
Bahalaw juwmaǵında 2024-2025-oqıw jılı ushın respublikamızdan
29 ulıwma bilim beriw mektebi «Bilimlendiriw sapası joqarı bolmaǵan mektepler» qatarında edi, Al aldaǵı 2025-2026-oqıw jılı ushın bolsa, respublikamızdan 24 ulıwma bilim beriw mektebi «Bilimlendiriw sapası joqarı bolmaǵan mektepler» qatarına kiritilgen.
Seminar dawamında, bayanatshılar tárepinen «Bilimlendiriw sapası joqarı bolmaǵan mektep» direktorları sapalı basqarıw, ámeldegi oqıw-reje hám variativ oqıw-reje, bilimlendiriw sapası joqarı bolmaǵan mektepler dizimin anıqlawdaǵı bahalaw kriteriyaları, pedagoglarda zamanagóy sabaqlardı shólkemlestiriwdegi kónlikpelerin rawajlandırıw, «Áhmiyetli 90 kún» sheńberindegi ilájlardıń áhmieti, “Metodik tur” ilajları hám de oqıwshılar arasında kishi pán olimpiadaların shólkemlestiriw, mekteplerde pedagoglar potenciyalı hám de qánigelik attestaciya nátiyjeleri hám de salamat ortalıq jaratıw baǵdarlarındaǵı jumıslar boyınsha bir qatar ámeliy hám metodikalıq jaqtan túsinikler berildi.
