✔️ Qaraqalpaqstan Respublikasında bilimlendiriwdiń sapasın arttırıw, mekteplerde innovaciyalıq kózqaraslardı engiziw maqsetinde ámelge asırılıp atırǵan “Aǵla mektep-2025” joybarınıń I yarım jıllıq juwmaqları boyınsha ámeliy-metodikalıq respublikalıq seminar bolıp ótti.
📝 Seminar Xojeli rayonındaǵı 32-sanlı ulıwma bilim beriw mektebinde shólkemlestirildi hám “Áhmiyetli 90 kún” joybarı sheńberinde ámelge asırıldı.
◾️ Ilajda Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, bir qatar ministrliktiń juwaplı xızmetkerleri hám de “Aǵla mektep” joybarınıń IV toparına kiriwshi Nókis qalası, Shomanay, Kegeyli hám Nókis rayonlarınan mektep direktorları qatnastı.
➡️ Seminar sheńberinde:
➖ Rayonlıq mektepke shekemgi hám mektep bilimlendiriwi bóliminiń baslıǵı aymaqta alıp barılıp atırǵan reformalar, erisilgen jetiskenlikler hám keleshektegi rejeler haqqında maǵlıwmat berdi;
➖ Xojeli rayonı 32-sanlı mektebi jámááti “Aǵla mektep-2025” joybarı boyınsha I yarım jıllıq nátiyjeleri haqqında maǵlıwmat berdi;
➖ Ministrlik juwapkerleri tárepinen jańa bahalaw sisteması, onıń áhmieti hám 2024-2025-oqıw jılı juwmaǵı boyınsha bilimlendiriw sapasına baylanıslı sırtqı onlayn monitoring nátiyjeleri usınıldı.
📝 Seminarlar 2025-jıl 12-avgustqa shekem reje-grafik tiykarında basqa belgilengen aymaqlarda da dawam etedi. Barlıq mektep direktorları bul processte belsene qatnaspaqta.
“Aǵla mektep-2025” – bul tek ǵana bilimlendiriwdiń sapasın jaqsılaw emes, al hár bir mektepti óz potencialın tolıq kórsetetuǵin zamanagóy bilimlendiriw ornına aylandırıwǵa qaratılǵan keń kólemli joybar esaplanadı.
