Búgin ulıwma orta bilim beriw mektepleriniń oqıwshıları arasında “Oylap tabıwshılıqqa qádem” tańlawınıń Qaraqalpaqstan Respublikası basqıshı bolıp ótpekte.

Ilajda Qaraqalpaqstan Respublikası Mektepke shekemgi hám mektep bilimlendiriwi ministriniń birinshi orınbasarı Aybek Dauletbaev qatnasıp, jas oylap tabıwshılarǵa áwmet hám tabıslar tiledi.

Tańlawdıń tiykarǵı maqseti – mektep oqıwshıları arasında innovaciyalıq belsendilikti arttırıw, dóretiwshilikti qollap-quwatlaw hám olardıń ilimiy-ámeliy potencialın júzege shıǵarıw bolıp esaplanadı.

Tańlaw sheńberinde oqıwshılar tómendegi baǵdarlarda óz joybarları menen qatnaspaqta:
– bilimlendiriw;
– málimleme texnologiyaları;
– jasıl energiya;
– klimat ózgeriwi;
– awıl xojalıǵı.

Búgingi jas oylap tabıwshılar erteńgi kúnniń jetik qánigeleri hám elimizdiń rawajlanıwına múnásip úles qosatuǵın jaslar bolıp jetilisip shıǵıwına isenemiz.