Búgin Nókis qalası 53-sanlı  mektepke shekemgi bilimlendiriw shólkeminde “Mektepke shekemgi bilimlendiriw  shólkemlerinde salamat awqatlanıw jumısların shólkemlestiriw” atamasında Respublikalıq seminar ótkerildi.  

Seminarǵa Qaraqalpaqstan Respublikası Mektepke shekemgi hám mektep bilimlendiriw ministrliginiń Salamat awqatlandırıwdı shólkemlestiriw hám medicinalıq xızmetti muwapıqlastırıw bólim baslǵı S.Xabipov, Ózbekstan Respublikası Aspazlar birlespesi texnologı Bekchanov Nemat, Sanitariya-epidemiologiya tınıshlıq hám jámiyet salamatlıǵı basqarması xızmetkeri G.Urazova, rayon (qala)lıq mektepke shekemgi hám mektep bilimlendiriw bólimlerindegi Ulıwma orta bilim beriw mákemelerinde salamat awqatlandırıwdı shólkemlestiriw boyınsha metodistleri qatnastı.

Seminar qatnasıwshılarına belgilengen sanitariya qaǵıyda hám normaları menen birgelikte Ózbekstan Respublikası Ministrler Kabinetiniń 2019-jıl 25-iyuldegi “Mámleketlik mektepke shekemgi bilimlendiriw shólkemlerinde salamat awqatlandırıw baǵdarın jáne de jetilistiriw haqqında”ǵı 626-sanlı qararı hám Ózbekstan Respublikası Ministrler Kabinetiniń 2021-jıl 30-iyundegi “Mámleketlik mektepke shekemgi bilimlendiriw shólkemlerinde salamat awqatlandırıw baǵdarın jetilistiriwdiń qosımsha is-ilájları haqqında”ǵı 407-sanlı qararları tiykarında jumıslardı shólkemlestiriw boyınsha túsinikler berildi. Sonday-aq, tárbiyalanıp atırǵan balalardı qáwipsiz hám sapalı awqatlandırıw usılları (autsorsing hám ápiwayı túrdegi) alıp barılıp atırǵan jumıslardıń barısı haqqında maǵlıwmatlar berildi.

Ilajda qatnasıwshılar ózleri qızıqtırǵan sorawlarına tiyisli qánigelerden juwaplar aldı.