Búgin Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında Qaraqalpaqstan Respublikası Mektepke shekemgi hám mektep bilimlendiriw tarawında ámelge asırılıp atırǵan jumıslar haqqında baspasóz konferenciyası ótkerildi.
Baspasóz konferenciyasına Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, ministrdiń birinshi orınbasarı A.Dauletbaev, ministr orınbasarı Q.Ismayilov, ministrliktiń bólim baslıqları hám ǵalaba xabar quralları wákilleri qatnastı.
Ilajda ministr G.Kojabaeva sózge shıǵıp, 2024-jıl dawamında bilimlendiriw tarawında ámelge asırılǵan reformalar haqqında maǵlıwmat berdi.
Qaraqalpaqstan Respublikası Mektepke shekemgi hám mektep bilimlendiriw ministrliginiń baslaması hám Ózbekstan Respublikası Mektepke shekemgi hám mektep bilimlendiriwi ministrligi hám Qaraqalpaqstan Respublikası Joqarǵı Keńesiniń qollap-quwatlawı nátiyjesinde ámelge asırılǵan Qaraqalpaqstandaǵı bilimlendiriw reformaları:
– Qaraqalpaqstan Respublikası Mektepke shekemgi hám mektep bilimlendiriwi ministrligi delegaciyası Angliyanıń Kembridj universitetine barıp, xalıqaralıq tán alınǵan Kembridj bilimlendiriw baǵdarlamasın engiziw boyınsha memorandumǵa qol qoyıldı;
– Ózbekstan Respublikası ulıwma orta bilim beriw mektepleri arasında birinshi márte Nókis qalasındaǵı 46-sanlı mektepte xalıqaralıq tán alınǵan Kembridj bilimlendiriw baǵdarlaması tiykarında oqıtıw sisteması engizildi;
– ulıwma orta bilim beriw mektebi oqıwshıları arasında Qaraqalpaqstan telekanalı menen birgelikte “Bilimliler báygısı” intellektual teleoyının ótkeriw jolǵa qoyıldı. Jeńimpaz oqıwshılardı Dubay qalasına tálim saparına jiberildi;
– Ózbekstan Respublikası bilimlendiriw sistemasında birinshi márte Ámiwdárya rayonındaǵı barlıq mekteplerde “Qaraqalpaqstan tájiriybesi” sıpatında onlayn bilimlendiriw sapasınıń monitoringi ótkerildi;
– bilimlendiriw sapası tómen bolǵan mektepler menen islesiw sistemasın bunnan bılay da jetilistiriw boyınsha “Qaraqalpaqstan tájiriybesi” sıpatında “Metodikalıq-tur” joybarı sheńberinde respublikalıq seminar shólkemlestirildi;
– Qaraqalpaqstan bilimlendiriw sistemasında birinshi márte Pán olimpiadasınıń Ózbekstan Respublikası basqıshı Nókis qalasında tabıslı ótkerildi;
– Qaraqalpaqstan Respublikası Mektepke shekemgi hám mektep bilimlendiriwi ministrliginiń kkbilimlendiriw.uz bilimlendiriw platforması ministrlik janındaǵı Ay-Ti rezidentleri menen birgelikte iske qosıldı;
– pán olimpiadasınıń Ózbekstan Respublikası basqıshında jeńimpaz bolǵan oqıwshılar ustazları menen birge Dubay qalasına bilimlendiriw saparına jiberildi;
– Ózbekstan Respublikası bilimlendiriw sistemasında birinshi márte “Qaraqalpaqstan tájiriybesi” sıpatında “Kásiplik bilimlendiriwdi rawajlandırıw kúni” engizildi;
– Ózbekstan Respublikası bilimlendiriw sistemasında birinshi márte “Qaraqalpaqstan tájiriybesi” sıpatında “Kásiplik bilimlendiriwdi rawajlandırıw kúni” engizildi;
– ulıwma bilim beriw mekteplerindegi qánige hám ekinshi kategoriyalı muǵallimlerdi pedagog kadrlar attestaciyasına mánzilli tayarlaw sisteması engizildi.
Sonday-aq, 2025-jılı ushın Qaraqalpaqstan Respublikası Mektepke shekemgi hám mektep bilimlendiriw ministrligi tárepinen rejelestirilgen tiykarǵı wazıypalar haqqında da tolıq maǵlıwmatlar berildi.
Ilajda qatnasıwshılar tárepinen tarawǵa baylanıslı sorawlar berildi. Onda ministr hám birinshi orınbasarı, bólim baslıqlar tárepinen tiyisli juwaplar berildi. Sonıń menen birge jurnalist hám blogerler tárepinen tarawǵa baylanıslı usınıslar berdi.
QR Mektepke shekemgi hám mektep bilimlendiriw ministrliginiń Málimleme xızmeti
