Mektepke shekemgi hám mektep bilimlendiriw ministrligi menen birgelikte Yaponiyanıń JICA xalıqaralıq birge islesiw agentliginiń volontyorları Respublikalıq Balalar kitapxanasında yapon tili dógeregin shólkemlestiriwde óz ara kelisilgen edi.
Bul JICA xalıqaralıq birge islesiw agentliginiń volontyorları Nókis qalasına jetip keldi hám Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev hám ministr orınbasarı M.Shlımbetova menen ushırastı.
Usı jıldıń sentyabr ayınan baslap grant qarjıları esabınan Yaponiyanıń JICA xalıqaralıq birge islesiw agentliginiń volontyorları Respublikalıq Balalar kitapxanasında Izumi Miazima hámde Shımbay rayonı 38-sanlı ulıwma orta bilim beriw mektebinde Mizobuchi Yuno yapon tili dógeregin shólkemlestirip, jumıs basladı.
Volontyorlar 1 jıl 7 ay dawamında elimiz jaslarına yapon tili hám mádeniyatı boyınsha sabaq beriwi rejelestirilmekte.
