Qaraqalpaqstan Respublikası Joqarǵı Keńesiniń sanlastırıw tarawın rawajlandırıw boyınsha belgilep bergen tiyisli tapsırmaların  orınlaw maqsetinde Qaraqalpaqstan Respublikası Mektepke shekemgi hám mektep bilimlendiriwi ministrliginiń 271-sanlı buyrıǵı tastıyıqlandı. Bul buyrıqta ulıwma orta bilim beriw mekteplerinin  5-6-7-klass oqıwshılarınıń infornaciyalıq  texnologiyalarına bolǵan qızıǵıwshılıǵın jánede arttırıw, olardıń infornaciyalıq kompetenciyaların qáliplestiriw, programmalastırıw tiykarların úyretiw, sanlı sawatqanlıq kónlikpelerin rawajlandırıw jáne jaslardı zamanagóy IT baǵdarlarına keńnen tartıw maqsetinde “Informatika hám infornaciyalıq texnologiyaları” páninen qosımsha dógerek shınıǵıwların shólkemlestiriw názerde tutılǵan. Usı tapsırmalardıń orınlanıwın támiyinlew ushın Nókis qalasındaǵı 8-sanlı ulıwma orta bilim beriw mektebi bazasında Respublikalıq ámeliy seminar shólkemlestirildi. Onda Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev, Ózbekstan Respublikası Xabar texnologiyaları hám sanlastırıw ministrliginiń Qaraqalpaqstan Resoublikası sekciyası baslıǵı T.Baekeev hám aymaqlardaǵı informatika páni muǵallimleri qatnastı. IT baǵdarındaǵı dógereklerdiń jumısın sistemalı jolǵa qoyıw, dógerek jurnalın elektron túrde júrgiziw hám oqıwshılar haqqındaǵı maǵlıwmatlardı “kkbilimlendiriw.uz” platformasına kirgizip barıw máseleleri hámde muǵallimlerdiń  aldıńǵı tájiriybeler, metodikalıq kózqaraslar hám innovaciyalıq sheshimlerdi dodalandı.