Baspasóz konferenciyası ótkerildi

Búgin Qaraqalpaqstan Respublikası Mektepke shekemgi hám mektep bilimlendiriwi ministrliginde “2025-2026-oqıw jılınıń juwmaǵı hám keleshektegi rejeler” atamasında baspasóz konferenciyası shólkemlestirildi.

Ilajda Qaraqalpaqstan Respublikası Mektepke shekemgi hám mektep bilimlendiriwi ministri Amanjol Ayapov, tarawdıń juwapker xızmetkerleri hám jergilikli ǵalaba xabar qurallarınıń wákilleri qatnastı.

Baspasóz konferenciyasın ministr Amanjol Ayapov ashıp berip, 2025-2026-oqıw jılında ámelge asırılǵan jumıslar, erisilgen nátiyjeler hámde aldaǵı tiykarǵı wazıypalar boyınsha tolıq maǵlıwmat berdi.

Bunnan soń ilaj soraw-juwaplar tárizinde dawam etti. Onda tómendegi máseleler boyınsha jurnalistler hám blogerlerdiń sorawlarına hár tárepleme juwap berildi:

– Mektepke shekemgi bilimlendiriw shólkemleriniń jumısı;
– menedjerlik sertifikatları;
– 1-klass oqıwshılarına beriletuǵın azıq-awqat ónimleri;
– 1-klassqa balalardı qabıllaw tártibi hám taǵıda basqa áhmiyetli máseleler kórildi.

Sonday-aq, jurnalist hám blogerler tárepinen tarawǵa baylanıslı pikir-usınıslar da bildirildi. Olardıń usınısları ministrlik tárepinen itibarǵa alınıp, keleshektegi jumısta paydalanılatuǵını atap ótildi.

Baspasóz konferenciyası ashıqtan-ashıq sóylesiw pikir alısıw ruwxında ótti.

QR Mektepke Shekemgi hám mektep bilimlendiriw ministrliginiń Málimleme xızmeti