Bugin Kegeyli rayonında Ózbekstan Respublikasınıń “Mápler soqlıǵısıwı haqqında”ǵı Nızamı hám Ózbekstan Respublikası Prezidentiniń 2024-jıl 5-iyundegi “Mápler soqlıǵısıwı haqqında”ǵı Nızamınıń orınlanıwı nátiyjesin támiyinlew haqqındaǵı arnawlı qararınıń orınlanıwın támiyinlew maqsetinde seminar shólkemlestirildi.
Seminarǵa Qaraqalpaqstan Respublikası Mektepke shekemgi hám mektep bilimlendiriwi ministrliginiń Korrupciyaǵa qarsı gúresiwdi ámelge asırıw boyınsha bas qánigesi Sh.Babanazarova, Kegeyli rayonı prokurorınıń aǵa járdemshisi I.Joldasbaev, Kegeyli rayonlıq mektepke shekemgi hám mektep bilimlendiriwi bóliminiń baslıǵı Q.Bekimbetov hám mektepke shekemgi hám mektep bilimlendiriw shólkem direktorları qatnastı.
Seminar dawamında “Korrupciyasız bilimlendiriw” súreni astında Korrupciyaǵa qarsı gúresiw jumısların jáne de arttırıw, pedagoglardıń konstituciyalıq huqıqların qorǵaw, nızam buzılıw jaǵdaylarınıń aldın alıw boyınsha túsinik jumısları alıp barıldı hám Korrupciya jaǵdaylarına baylanıslı videorolik qoyıp berildi.
