Sociallıq tarmaqlarda Taqıyatas rayonı 19-sanlı ulıwma bilim beriw mektebinde dem alıs kúni bolıwına qaramastan oqıtıwshılardı shaqırıp, jıynalıs ótkergenligi haqqında tarqalǵan xabarlar boyınsha
Qaraqalpaqstan Respublikası Mektepke shekemgi hám mektep bilimlendiriw ministrliginen
Rásmiy múnásibet
Usı jıldıń 31-avgust kúni Telegram sociallıq tarmaǵında Kar24 kanalında Taqıyatas rayonı 19-sanlı ulıwma bilim beriw mektebinde dem alıs kúni bolıwına qaramastan oqıtıwshılardı shaqırıp, jıynalıs ótkergenligi haqqında xabar tarqalǵan.
Úyreniwler dawamında usı múrájatte názerde tutılǵan jıynalıs 5 minut dawam etkenligi málim boldı. Onda mektep oqıtıwshıları arasında jańa oqıw jılına tayarlıq kóriw boyınsha óz-ara sáwbet alıp barılǵanlıǵı anıqlandı.
Óz gezeginde rayonlıq mektepke shekemgi hám mektep bilimlendiriw bólimi Miynet kodeksinde belgilep berilgen qaǵıydalardıń buzılıwına qarsı ekenligin bildirip ótedi.
