Qaraqalpaqstan Respublikası Mektepke shekemgi hám mektep bilimlendiriw ministrliginiń 2024-jıl 17-iyundaǵı 17-sanlı is-rejesine muwapıq ministrliktiń oqıwshılardı kásipke baǵdarlaw hám psixologik xızmet sektorı tárepinen Moynaq rayonlıq Mektepke shekemgi hám mektep bilimlendiriw bólimine qaraslı 2-sanlı ulıwma orta bilim beriw mektebinde “Oqıwshılardıń qızıǵıwshılıǵına qarap tańlanǵan kásip baǵdarı” atamasında Respublikalıq kórgizbeli seminar shólkemlestirildi.

Seminarda rayon(qala)lıq Mektepke shekemgi hám mektep bilimlendiriw bólimi psixolog metodistleri hámde kásipke oqıtıw boyınsha tańlap alınǵan 17 mekteptiń kásiplik tálim ustaları qatnastı.

Prezidentimizdiń “Ulıwma orta bilim beriw mektepleri oqıwshıların shet tili hám zamanagóy kásiplerge oqıtıw boyınsha qosımsha is-ilajları haqqında”ǵı qararına tiykar ulıwma orta bilimlendiriw mákemelerine “kásiplik bilim ustası” lawazımı engizildi.

Usı qararǵa tiykar Moynaq rayonı 2-sanlı mektepte tigiwshilik hám ustashılıq xanaları shólkemlestirilip, oqıwshı jaslardı kásip-ónerge baǵdarlaw, turmıslıq kónlikpelerin úyretiw jumısları alıp barılmaqta.