Uzaq ótmishten ásirler boyı kiyatırǵan ruwxiy, ilmiy miyrastı jaslarımızdıń sana sezimine sińdiriw, áyyemgi dáwirlerdi olardıń kóz aldında sáwlelendiriw, ata-babalarımızdıń bizge qaldırǵan Ullı miyrasın asrap abaylaw úlken wazıypamız bolıp esaplanadı.

Respublikalıq Balalar kitapxanasında “Ájiniyaz Qosıbay ulınıń 200-jıllıǵı” múnásibeti menen ilaj bolıp ótti. Ilajda paytaxtımızdaǵı 36-sanli mekteptiń oqıwshıları qatnastı.

Ilaj dawamında Prezidentimiz baslaması menen Qaraqalpaq klassik shayırı Ájiniyaz Qosibay ulınıń 200 jıllıǵı YUNESKO sheńberinde xalıqaralıq kólemde belgilenetuǵın sáneler qatarına kirgizilgeni, shayırdıń Qaraqalpaq ádebiyatına qosqan úlesi, ol jazıp qaldırǵan qosıqlar tarıyx betlerinde óshpes iz qaldırǵanı haqqında sóz etildi.

Oqıwshılar tárepinen pútkil túrkiy xalqına belgili Ájiniyaz Qosıbay ulı hám Qiz Meńesh penen aytısın atqarıw menen dawam etti.