Social tarmaqlar arqalı Nókis qalası 12-sanlı mektep oqıtıwshılarınan 20 mıń swmnan pul jıynaw jaǵdayları ushırasıp atırǵanlıǵı haqqında post járiyalandı.

Járiyalanǵan post boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen isshi topar dúzilip, úyreniw jumısları alıp barıldı.

Úyreniw nátiyjesinde mektepte usı jılı 10-11-12-oktyabr kúnleri attestaciya hám akkreditaciya bolıp atırǵanı hám olardı tekserip keliwshilerge túslik alıp beriw ushın 20 mıńnan pul jıynalǵan jaǵday boyınsha mektep direktorı G.Eden soralǵanda pul jıynaw bolmaǵanlıǵı, ruwxıy aǵartıwshılıq isleri boyınsha direktor orınbasarı K.M, S.D lar oqıw isleri boyınsha direktor orınbasarı G.K dan bunday tapsırma almaǵanlıǵı haqqında aytıp, óz túsinik xatlarında keltirip ótti.

Mekteptiń ruwxiy-aǵartıwshılıq isleri boyınsha direktor orınbasarı G.U tárepinen 12-oktyabr kúni kelgen kommiciyaǵa shay shólkemlestiriw kerekligi hám bul boyınsha muǵallimlerden 20 mıń swmnan pul jıynalǵan. Sonday-aq, kelgen kommiciya aǵzaları óz jumıların juwmaqlap ketkenligi túslikke qalmaǵanlıǵı anıqlandı.

Mektep direktor G.E hám orınbasarları G.I, G.U larǵa ámeldegi miynet nızam sheńberinde jaza sharası qollanılǵanlıǵın málim etip bildiremiz.