Búgin Nókis qalası 52-sanlı mektepke shekemgi bilimlendiriw shólkeminde “Ózbekstan – ulıwma úyimiz” súreni astında mádeniy-aǵartıwshılıq ilajı ótkerildi.

 Ilajǵa Ózbekstan Respublikasına miyneti singen jaslar ustazı, húrmetli nuranıy B.Sulnatov, Din isleri boyınsha komitettiń Qaraqalpaqstan Respublikası aymaqlıq basqarmasınıń bas qánigesi N.Jamalov hám X.Nezamatov,  Nókis qalası Mektepke shekemgi bilimlendiriw bólimi xızmetkerleri, shólkem jámááti qatnastı.

  Doslıq festivalı, milletler hám dinler arasındaǵı tatıwlıq dástúrlerin saqlap qalıw hám doslıq baylanısların bekkemlewge qaratılǵan ilajda shólkem tárbiyashıları hám tárbiyalanıwshıları tárepinen tayarlanǵan saxnalıq kórinisler, koncert baǵdarlaması qoyıp berildi.

 Sonday-aq, ilajdı joqarı dárejede shólkemlestirgen ushın shólkem jámáátine Qaraqalpaqstan Respublikası Ministrler Keńesi tárepinen tayarlanǵan diplom hám estelik sawǵaları tapsırıldı.