Ózbekstan Respublikası Mektepke shekemgi hám mektep bilimlendiriw ministrligi tárepinen shıǵarılǵan «Mektepke shekemgi hám mektep bilimlendiriw ministr fondı esabınan tájiriybeli pedagog kadrlardı qosımsha xoshametlew haqqındaǵı» arnawlı buyrıǵı tiykarında Qaraqalpaqstan Respublikası Mektepke shekemgi hám mektep bilimlendiriw ministrligi tárepinen Pedagog kadrlar attestaciyasında májbúriylikti hám dáwirlilikti támiyinlew maqsetinde zoom baǵdarlaması arqalı onlan seminar shólkemlestirildi.
Seminarǵa ministrliktiń juwmaplı xızmetkerleri, barlıq rayon (qala)lıq mektepke shekemgi hám mektep bilimlendiriw mákemeleriniń direktorları qatnastı.
Seminarda tiykarınan:
- kelesi attestaciyalarda attestaciyadan ótkenine bes jıl tolǵan hám bes jıl tolǵan jıl dawamında ámeldegi mamanlıq kategoriyasın qorǵamaǵan yamasa mamanlıq kategoriyasın arttırmaǵan pedagog kadrlardı gezektegi májbúriy attestaciyaga óz waqtında tartıw;
- pedagoglardıń mámleketlik xızmetleri orayı yamasa birden-bir interaktiv mámleketlik xızmetler portalı yamasa ministrliktiń pedkadr.uzedu.uz rásmiy veb-saytı arqalı hújjetlerdi jiberiwde attestaciya túrin durıs tańlawı (náwbettegi májbúriy yamasa náwbetten tısqarı), jumis ornın, pánin, ámeldegi kategoriyasın, ámeldegi sertifikatınıń seriyası hám nomerlerin durıs kórsetiw kirgiziliwin támiyinlew ilajların kóriw máseleleri sóz etildi.
Maǵlıwmat ushın sonıda aytıp ótiw orınlı Ózbekstan Respublikası Ministrler Kabinetiniń 2021-jıl 17-sentyabrdegi “Mektepke shekemgi, ulıwma orta, orta arnawlı, professional hám mektepten tısqarı bilimlendiriw shólkemleri pedagog kadrların attestaciyadan ótkeriw tártibin jetilistiriw ilajları haqqında”ǵı arnawlı qararına tiykarlanıp kadrların attestaciyadan ótkeriw processin hár jılı 2 márte, yanvar-iyun hám avgust-dekabr aylarında shólkemlestiriw belgilengen.
