Social tarmaqlar arqalı muǵallimler aylıqların almaǵanlıǵı haqqında post tarqaldı.

Tarqalǵan post boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen úyrenilip shıǵıldı.

Úyreniw dawamında Ellikqala rayonı Mektepke shekemgi hám mektep bilimlendiriw bólimine qaraslı 73 ulıwma orta bilim beriw mektepleri hám 34 mektepke shekemshi shólkemleri bar bolıp, usı bilimlendiriw mákemelerinde islewshi xızmetkerlerge 2024-jıl dekabr ayı 1-yarım is haqısı tólemleri 16-dekabr kúni, mektepler ham mektepke shekemgi shólkemlerdegi islewshi hár bir xızmetkerdiń jeke plastik kartalarına ótkerilip berilgenligi anıqlandı.

Sonday aq, oqıtıwshı hám xızmetkerlerdiń is haqısınıń 2-yarımı tólem Ózbekistan Respublikası Ministrler Kabinetiniń 245-sanlı qararına tiykar hár aydıń 1-sánesinen 4-sánesine shekemgi bolǵan aralıqta (4 is kúni) tólep beriliwi belgilengen.

Ózbekistan Respublikası Ministrler Kabinetiniń 425-sanlı qararına tiykar ulıwma bilim beriw mekteplerinde islewshi xızmetkerlerge “1-oktyabr oqıtıwshılar hám ustazlar kúni” múnasibeti menen xoshametlew pulın beriw belgilengen bolıp, usı qararǵa tiykar 2024-jıl  oktyabr ayında ulıwma orta bilim beriw mekteplerilerinde islewshi hár bir xızmetkerlerge xoshametlew pulı tólep berilgenligin málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti