Ózbekstan Respublikası Prezidentiniń 2024-jıl 6-maydaǵı “Ózbekstan Respublikasında náshebentlik quralları hám psixotrop zatlardıń nızamsız aylanısına shek qoyıw arqalı olardıń xalıq salamatlıǵı hám mámleketimiz genofondına unamsız tásirin saplastırıw strategiyalıq ilajları haqqında”ǵı Pármanına tiykarlanıp, Ózbekstan Respublikası Ishki isler ministrligi tárepinen 2025-jıldıń 1-fevral kúninen 1-mart kúnleri aralıǵında “Jaslar arasında náshebentlik quralları hám psixatrop zatlar tarqalıwınıń aldın alıw” aylıǵı dep belgilendi.

Usı múnásibet penen, Qaraqalpaqstan Respublikası Pedagogikalıq sheberlik orayınıń májilisler zalında, Berdaq atındaǵı Qaraqalpaq mámleketlik universitetinde hám Nókis qalası 8-sanlı ulıwma orta bilim beriw mektebinde “Jaslar arasında náshebentlik quralları hám psixatrop zatlar tarqalıwınıń aldın alıw” aylıǵı múnásibeti menen ilajlar bolıp ótti. Ilajda jaslar arasında náshebentlik quralları hám psixatrop zatlardıń tarqalıwınıń aldın alıw, bul illettiń insan salamatlıǵına hám jámiyetke jetkeretuǵın zıyanlı tásiri boyınsha túsinik jumısları alıp barıldı.

Oqıwshı jaslardı jat ideyalardan qorǵaw, olardıń huqıqıy bilimlerin arttırıw hám jámiyette salamat turmıs tárizin úgit-násiyatlaw hám jaslar arasında náshebentlik quralları hám psixatrop zatlar tarqalıwınıń aldın alıwǵa qaratılǵan ilajlar Respublikamızdıń barlıq bilimlendiriw mákemeleri boylap dawam etedi.