Balalar baqshaģa úsh jastan barıwı kerek, sebebi bul jasta balalardıń sociallıq hám emocionallıq rawajlanıwı jańa basqıshģa ótedi.

➡️ Balalar bir-biri menen sóylesiwdi, toparda islewdi, óz pikirin bildiriwdi úyrenedi. Bul jasta balalar óz dosları menen oynaw hàm fizikalıq iskerlikler arqalı jańa tájiriybeler arttıradı.

➡️Sonıń menen bir qatarda, úsh jasta balalar kishi bilim hám kónlikpelerdi qabıl etiwge tayar boladı, máselen reńlerdi figuralardı yamasa sanlardı biliwdi úyrenedi. Baqshalarda balalar oyınlar hám shınıģıwlar arqalı bilim aladı. Bul jasta balalar ózin basqarıw, kiyiniw, awqatlanıw hám basqa ápiwayı kúndelikli jumıslardı orınlay alıw kónlikpelerin rawajlandıradı. Baqsha balalar ushın bilimlendiriw hám rawajlanıw kóz-qarasınan júdá áhmiyetli bolıp esaplanadı.

Nurgeldiyeva Aygúl
Qaraqalpaq mámleketlik Universitetiniń 2-kurs studenti