Baslanģısh klass oqıwshılarınıń psixologiyası olardıń intellektual, emocional hám social rawajlanıwın úyrenedı. Bul jastaģı balalar ózleriniń shaxs sıpatında biliwin hám dúnyaģa degen kóz-qarasların rawajlandırıw waqtında kóplegen ózgerislerdi basınan ótkeredi.

 Olardıń psixologiyalıq ózgesheliklerine tómendegiler kiredi:

 Intellektual rawajlanıw: Baslanģısh klass oqıwshıları pikirlew qábiletlerin rawajlandıra baslaydı. Olar tiykarınan anıq hám logikalıq pikirlewdi úyrenedi, biraq hámmesin birden emes, az-azdan úyrenedı. Bul jasta matematika, jazıw, oqıw sıyaqlı pánlerdi úyreniwge qızıģıwshılıǵı úlken boladı;

 Emocional rawajlanıw: Oqıwshılarda emocional jaģdaylar: quwanıw, ashıwlanıw, qayģı sıyaqlı sezimlerdi basqarıwdı hám ańlay alıwdı úyrenip baslaydı. Balalar bul basqıshta kóbinese ózin ańlaw hám basqa adamlar menen múnásibetlerde óz sezimlerin bildiriwde qıyınshılıqlarģa dus keliwi múmkin. Usı basqıshta sezimlerdi basqarıp úyrenedi;

Social rawajlanıw: Oqıwshılar doslıq múnásibetlerdi rawajlandıra baslaydı hám toparlarda oynaw yáki doslasıw arqalı jámiyette óz orınların tawadı. Bul basqıshta balalar kóbinese toparlıq jumıslardı hám doslasıwdı úyrenedi;

Oqıwģa qızıģıw: Balalar ózleriniń qızıģıwshılıqları hám qálewleri menen oqıwģa hám úyreniwge júdá hár túrlı jayģasadı. Olardıń dıqqatın jıynaw hám úzliksiz úyreniwge járdemlesiw ushın muģallimlerdiń durıs tańlawı zárúrli bolıp tabıladı.

Nurniyazova Ulmeken
Qaraqalpaq mámleketlik universiteti 2-kurs studenti