✅ Prezident mektepleri óziniń joqarı sapalı bilimlendiriwi, innovaciyalıq oqıw baǵdarlamaları hám studentlerge beriletuǵın keń imkaniyatları menen belgili. Olar oqıwshılarǵa joqarı dárejedegi bilim, ruwxıy-ádep-ikramlılıq tárbiya hám global básekige shıdamlı kónlikpelerdi rawajlandırıwdı maqset etken bilimlendiriw mekemeleri bolıp esaplanadı.

✅ Sonday-aq, Prezident mektepleri oqıtıwshıları kóbinese joqarı tájiriybeli hám dúnya kóleminde tanılǵan pedagoglar bolıp, bilimlendiriw processi zamanagóy hám innovaciyalıq usıllar tiykarında ámelge asırıladı. Bul oqıwshılardı hár tárepleme rawajlandırıwǵa járdem beredi.

✅ Prezident mekteplerde zamanagóy klass xanaları, laboratoriyalar, sport zalları, kitapxanalar hám basqa da infrastruktura bar bolıp, oqıwshılar ushın qolaylı oqıw ortalıǵın jaratadı. Prezident mektepleri oqıwshıları tek ǵana akademiyalıq bilimler emes, al basshılıq, jámiyette islew hám basqa da jeke kónlikpelerdi de rawajlandırıwǵa imkaniyat jaratatuǵın hár qıylı baǵdarlamalarda qatnasıwı múmkin.

✅ Ulıwma alǵanda, Prezident mektepleri oqıwshıları ushın óz bilimlerin hám sociallıq kónlikpelerin rawajlandırıwǵa keń imkaniyatlar jaratadı.

Nurgeldiyeva Aygúl
Qaraqalpaq mámleketlik universitetiniń 2-kurs studenti