Social tarmaqlar arqalı usı jılı 11-mart kúni Nókis qalası 12-sanlı ulıwma orta bilim beriw mekteptiń sport zalında 9-10-11-klass oqıwshıları ushın sabaq waqtında diskoteka shólkemlestirilgenligi haqqında video material tarqalǵan.

Tarqalǵan video material Qaraqalpaqstan Respublikası Mektepke shekemgi hám mektep bilimlendiriw ministrligi tárepinen qadaǵalawǵa alınıp úyreniw jumısları alıp barıldı.

Úyreniw dawamında Nókis qalası Mektepke shekemgi hám mektep bilimlendiriw bólimine qaraslı 12-sanlı ulıwma orta bilim beriw mektebiniń tárbiyası metod birlespesi K.Turdrmuratovtıń jıllıq is-rejesine tiykar mart ayında mektep oqıwshıları sport chempionları menen ushrasıw rejelestirilgen bolıp, 11-mart kúni qol gúresi boyınsha chepion sportshılar menen ushrasıw ótkerilgen hám 10-1l-klass oqıwshıları arasında usı sport túri boyınsha jarıs shólkemlestirilgenligi anıqlandı. Sonıń menen birge sabaq waqtında 9-10-11-klass oqıwshılarına diskoteka shólkemlestirilmegenligin málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti