Qaraqalpaqstan Respublikası Korrupciyaǵa qarsı gúresiw aymaqlıq Keńesi tárepinen Tórtkúl rayonın “Korrupciyadan jıraq” aymaqqa aylandırıw maqsetinde arnawlı Jol kartası islep shıǵıldı.

Usı jılı 29-aprel kúni usı jol karta tiykarında Tórtkúl rayonında keńeytilgen májilis bolıp ótti. Onda Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva basshılıq etti.

Májilis dawamında rayon aymaǵındaǵı 5 jıldan artıq múddet dawamında jumıs alıp barǵan mektep hám mektepke shekemgi bilimlendiriw mákemeleriniń basshıların rotaciyalaw boyınsha anıq ilajlar belgilendi.

 Nátiyjede, 20 ulıwma orta bilim beriw mektebi, 8 mektepke shekemgi bilimlendiriw shólkeminde basshılıq lawazımında jumıs alıp barıp atırǵan direktorlar arasında rotaciya ámelge asırıldı.

Bul baslama bilimlendiriw sistemasında ashıq-aydınlıq, hadallıq hám juwapkershilikti támiyinlew jolında áhmiyetli qádem bolıp, korrupciyanıń aldın alıwǵa xızmet etedi.