Social tarmaqlar arqalı Moynaq rayonı 18-sanlı ulıwma orta bilim beriw mektep oqıwshılarınan kitap satıp alıw ushın aqsha jıynaǵanlıq haqqında múrájat tarqalǵan.

Tarqalǵan múrájat Qaraqalpaqstan Respublikası Mektepke shekemgi hám mektep bilimlendiriw ministrligi tárepinen qadaǵalawǵa alınıp, úyrenilip shıǵıldı.

Úyreniw barısında Úrgenich kitap orayı tárepinen 60 atamadaǵı ádebiy kitaplar 17 ulıwma orta bilim beriw mekteplerinde kitap akciyasın ótkeriw maqsetinde tarqatıldı. Akciya ótkeriw dawamında kitap satıp alıw májbúriy emesligi aytılıp, ata-analar hám qáwenderler tárepinen satıp alınbaǵanlıǵı sebepli 2025-jıl 3-mart kúni qaytadan jıynap alınıp, Úrgenish kitap orayına qaytarıp jiberildi. Sol kitap ushın qálewshi oqıwshılardan kitaplardı satıp alıwda olardıń ata-analarına nadurıs úgit-násiyat jumısları alıp barılǵanlıǵı sebepli unamsız jaǵdaylardı keltirip shıǵarǵanlıǵı hámde nızam talaplarına ámel etpesten óz xızmet wazıypalarına nemquraydılıq penen qaraǵanlıǵı ushın, 18-sanlı ulıwma orta bilim beriw mektebi direktorı I.Ayaganovqa  hám Moynaq rayonı mektepke shekemgi mektep bilimlendiriw bóliminiń sabaqlıqlar boyınsha metodisti B.Ikmetullaevqa tiyisli “Sógis” intizamıy jaza sharaları qollanılǵanlıǵın málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti