Búgin Qaraqalpaqstan Respublikası Mektepke shekemgi hám mektep bilimlendiriw ministrligi hám Berdaq atındaǵı Qaraqalpaq mámleketlik universiteti menen birgelikte nemis tili muǵallimleri ushın ashıq sáwbet shólkemlestirildi.

Ashıq sáwbet universitettiń nemis tili kafedrasında ótkerilip, onda oqıtıwshılarǵa B2 dárejesi imtixanı formatı boyınsha zárúr bilim hám kónlikpelerdi qáliplestiriw maqset etilgen.

Ilajda Germaniyadan kelgen volontyor Russel Artur, Mektepke shekemgi hám mektep bilimlendiriw ministrliginiń juwapker wákilleri hám barlıq ulıwma orta bilim beriw mektepleriniń nemis tili muǵallimleri qatnastı.

Ilajdan soń oqıtıwshılar Gyote-Institutınıń Ózbekstandaǵı filialı tárepinen usınıs etilgen nemis tilindegi ádebiyatlar hám qollanbalardı úyreniw maqsetinde Respublikalıq balalar kitapxanasına boldı.