Ádebiyatımızdıń iri ǵayratkerleri – Hamid Olimjon hám Zulfiya Isroilovanıń bay dóretiwshilik miyrasın jaslar arasında keńnen úgit-násiyatlaw, olardıń ómiri hám dóretiwshiligi arqalı kitapqumarlıq mádeniyatı, kórkem pikirlew, milliy maqtanısh hám ruwxıy qádiriyatlarǵa húrmet sezimlerin bekkemlew maqsetinde usı jıldıń 19-28-fevral kúnleri “Ádebiyat aspanındaǵı eki juldız” temasında dóretiwshilik forum shólkemlestiriliwi rejelestirilgen edi.

Usı forum sheńberinde Nókis qalasındaǵı Jaslar orayında “Zulfiya” atındaǵı mámleketlik sıylıqtıń iyeleri – Gúlbáhár Axımbetova, Erkinay Orınbaeva hám Gúlsanam Orazbaevalardıń qatnasıwında mektep oqıwshı-qızları menen qızǵın hám mazmunlı ushırasıw ótkerildi.

Ushırasıw dawamında sıylı orın iyeleri ózleriniń turmıslıq tájiriybeleri menen ortaqlasıp, strategiyalıq reje hám anıq maqsetler qoyıw, bilim alıw jolında isenimli háreket etiw, izleniw hám miynettiń áhmiyeti haqqında hár tárepleme pikir bildirdi. Sonday-aq, hayal-qızlardıń jámiyettegi ornı, olardıń ruwxıy jetiklik hám intellektuallıq potencialı arqalı jámiyet rawajlanıwına qosıp atırǵan úlesi ayrıqsha atap ótildi.

Ilaj jas qızlar ushın úlken motivaciya boldı.