JASLARǴA TIYISLI REFORMALARDÍŃ NÁTIYJELILIGIN ARTTÍRÍW BOYÍNSHA ILAJLAR BAǴDARLAMASÍNÍŃ ORÍNLANÍWÍ TÁMIYINLENBEKTE

Aldın xabar bergenimizdey Ózbekstan Respublikası Mektepke shekemgi hám mektep bilimlendiriwi ministrliginiń juwaplı xızmetkeri Dilshod Ismoilov hám Qori Niyaziy atındaǵı Tárbiya pedagogika milliy institutınıń jetekshi qánigesi Oybek Musulmonkulovlar bilimlendiriwdi reformalaw hám kompleks ilajlar baǵdarlamasınıń orınlanıwı boyınsha Qaraqalpaqstan Respublikasına kelgen edi.

Búgin miymanlar Ámiwdárya, Qońırat, Shomanay, Qanlıkól, Moynaq, Beruniy, Ellikqala, Tórtkúl rayonlarınıń Mektepke shekemgi hám mektep bilimlendiriwi bólim baslıqları, ruwxıy-aǵartıwshılıq isler boyınsha juwapker wákilleri hámde psixolog metodistler qatnasıwında ushırasıw ótkerdi.

️ Ushırasıw dawamında:
– oqıwshılardıń tálim-tárbiya procesleri;
– túrli tańlaw hám innovaciyalıq joybarlar;
– ruwxıy-aǵartıwshılıq ilajlardıń nátiyjeliligi boyınsha hár tárepleme tallawlar ótkerilip, ámeliy usınıslar alǵa qoyıldı.

Ilaj juwmaǵında tarawdı ele de rawajlandırıw, bar kemshiliklerdi saplastırıw hám bilimlendiriw sapasın arttırıwǵa qaratılǵan anıq wazıypalar hám tapsırmalar belgilep berildi.