Búgin Beruniy rayonı 1-sanlı ulıwma orta bilim beriw mektebinde bilimlendiriw tarawındaǵı áhmietli forum óz jumısın basladı.

Forumdı Qaraqalpaqstan Respublikası Mektepke shekemgi hám mektep bilimlendiriwi ministri wazıypasın atqarıwshı Muhabbat Shlimbetova ashıp berdi. Ol óziniń shıǵıp sóylegen sózinde forumnıń tiykarǵı maqseti zamanagóy bilimlendiriw baǵdarlamaları, keleshek kásipleri haqqında atap ótip, barlıq qatnasıwshılardı ilajǵa belsendi qatnasıwǵa shaqırdı.

Sonday-aq, ministrdiń birinshi orınbasarı Aybek Dauletbaev shıǵıp sóylep, Beruniy rayonında bilimlendiriw tarawında ámelge asırılıp atırǵan reformalar haqqında toqtap ótti.

Miymanlar bolsa kórgizbeli ashıq sabaqlar menen jaqınnan tanısıp, bilimlendiriw procesindegi innovaciyalıq kózqaraslardı baqladı.

Bul forum tómendegi shólkemler menen birgelikte shólkemlestirildi:
– Qaraqalpaqstan Respublikası Mektepke shekemgi hám mektep bilimlendiriwi ministrligi;
– Beruniy rayonı hákimligi;
– Qaraqalpaqstan Medicina institutı;
– Agrobank Qaraqalpaqstan Respublikası basqarması;
– Pedagogikalıq sheberlik orayı;
– IT Park Qaraqalpaqstan filialı.

Forum dawam etedi…