️“Bilimlendiriw hám qánigelik – 2026” xalıqaralıq bilimlendiriw kórgizbesi ótkerildi

29-aprel kúni Qaraqalpaqstan Respublikası Mektepke shekemgi hám mektep bilimlendiriw ministrligi, Jaslar isleri agentligi hám “MY FAIR” JShJ hám bir qatar bilimlendiriw shólkemleri menen birgelikte áhmiyetli bilimlendiriw ilajı shólkemlestirildi.

Bul xalıqaralıq bilimlendiriw kórgizbesi ulıwma orta bilim beriw mektepleriniń pitkeriwshileri hám olardıń ata-anaları ushın mólsherlengen bolıp, onda joqarı bilimlendiriw mákemeleri, sırt el universitetleri hám bilimlendiriw orayları óz imkaniyatların usındı.

Kórgizbe dawamında qatnasıwshılar:
– bilimlendiriw baǵdarları haqqında tolıq maǵlıwmat aldı;
– sırt elde hám elimizde oqıw imkaniyatları menen tanıstı;
– qánigelik tańlaw boyınsha qánigelerden másláhátler aldı.

Bul ilaj jaslardıń durıs kásip tańlawı hám keleshek rejeleri ushın áhmiyetli baǵdar beriwshi ilaj bolıp xızmet etti.