Sociallıq tarmaqlarda Nókis qalası 12-sanlı ulıwma orta bilim beriw mektebi basshıları tárepinen 2026-jıl 2-may kúni pedagog xızmetkerler májbúriy túrde shembilik jumıslarına tartılǵanı boyınsha tarqalǵan xabarlar boyınsha Qaraqalpaqstan Respublikası Mektepke shekemgi hám mektep bilimlendiriwi ministrligi tárepinen úyreniw jumısları alıp barıldı.
Úyreniw processinde anıqlanıwınsha, bul mektep pedagogları tárepinen “9-may – Eslew hám qádirlew kúni” aldınan mektep aymaǵı hám onıń átiraplarında abadanlastırıw jumısları ózleriniń ıqtıyarı tiykarında ámelge asırılǵan.
Sonday-aq, pedagog xızmetkerlerdi shembilik jumıslarına májbúriy tartıw jaǵdayları hám olardan májbúriy túrde túsinik xatı jazılǵanı haqqındaǵı maǵlıwmatlar óz tastıyıǵın tappadı.
Usı múnásibet penen sociallıq tarmaqlarda tarqalǵan bul xabarlar tiykarsız ekenligin málim etemiz.
Húrmetli puqaralar hám sociallıq tarmaq paydalanıwshılarınan tekserilmegen hám tastıyıqlanbaǵan maǵlıwmatlardı tarqatpawdı soraymız.
QR Mektepke shekemgi hám mektep bilimlendiriw ministrliginiń Málimleme xızmeti
