“Doslıq avtobusi” jáne jolda!

Mámleketimizde jaslarda milletleraralıq tatıwlıq, óz-ara húrmet hám keńpeyillik ruwxın bekkemlewge qaratılǵan áhmiyetli baslama – “Doslıq mektepleri” joybarı ámelde dawam etpekte!

Joybardıń tiykarǵı maqseti:
– Milliy qádiriyatlar hám dástúrlerdi jas áwladqa jetkeriw;
– Oqıwshılar arasında doslıq hám birge islesiw baylanısların rawajlandırıw;
– Olardıń dóretiwshilik hám intellektuallıq potencialın arttırıw;
– Jámiyetshilik hám miyrim-shápáátti úgit-násiyatlaw bolıp tabıladı.

Usı jıldıń 7-may kúni Qaraózek, Shımbay hám Taxtakópir rayonlarınıń qábiletli oqıwshıları “Doslıq avtobusı”nda óz-ara sayaxatqa jol aldı!

📍 Sayaxattıń birinshi mánzili – Taxtakópir rayonı 2-mektebi boldı.
Bul jerde miyman oqıwshılar saltanatlı kútip alındı, doslıq, tatıwlıq hám mádeniy hár túrlilikke baǵıshlanǵan koncert baǵdarlaması qoyıp berildi. “Jasıl mákan” joybarı sheńberinde “Doslıq baǵı” jaratıldı, súwretler kórgizbesi, psixologiyalıq treninglar, viktorinalar hám “Meniń keleshektegi kásibim” temasında sáwbetlesiw ilajları ótkerildi. Sonday-aq, “Zakovat” intellektuallıq oyını da ótkerilip, bilimler sınaqtan ótkerildi hám álbette – doslıq jeńiske eristi! Ilaj sońında belsene qatnasqan oqıwshılarǵa estelik sawǵalar tapsırıldı.

📍 Sayaxattıń gezektegi mánzili – Qaratereń etno-turistlik kompleksi boldı.
Bul etno-turistlik kompleks haqqındaǵı maǵlıwmatlar tıńlanıp, jaqınnan tanıstı.

✅ Bunday sapar etiwler jas áwlad qálbinde jaqsı qádiriyatlar – doslıq, tilekleslik, óz-ara húrmet hám awızbirshilikti qáliplestiriwde áhmiyetke iye!