Búgingi kúnde respublikamızdaǵı barlıq mektepke shekemgi bilimlendiriw shólkemlerinde “Xosh bol baqsham – sálem mektep” súreni astında bayram ilajları joqarı keypiyatta shólkemlestirilmekte. Atap aytqanda, Shımbay rayonındaǵı 11-sanlı, Moynaq rayonındaǵı 14-sanlı hám Nókis qalasındaǵı “Balalar keleshegi” atlı mámleketlik-jeke menshik sheriklik tiykarındaǵı mektepke shekemgi bilimlendiriw shólkemlerinde de pitkeriwshi tárbiyalanıwshılar ushın umıtılmas bayram ótkerildi. Ilajlar dawamında balalar ózleriniń dóretiwshilik shıǵıwları, qosıq hám ayaq oyınları menen jıynalǵanlarǵa kóterińki keypiyat baǵıshladı. Olardıń dáslepki jetiskenlikleri atap ótilip, keleshektegi oqıwlarında úlken tabıslar tiledi. Mektep bosaǵasına qádem qoyıp atırǵan barlıq kishkene pitkeriwshilerimizge aq jol tileymiz!