Qazaqstanda ótkerilgen XII xalıqaralıq áskeriy-watansúyiwshilik jıyını – “Aybin-2026” jarısında Ózbekstan saylandı komandası sıylı 2-orındı iyeledi.

Ózbekstan Respublikası Qorǵanıw ministrligi janındaǵı “Watan tayanıshı” háreketi aǵzalarınan ibarat saylandı komanda joqarı nátiyjelerdi kórsetip, xalıqaralıq maydanda elimizdiń abırayın múnásip qorǵadı.

Ásirese, Qaraqalpaqstan Respublikası ushın jáne bir quwanıshlı tárepi sonda, saylandı komanda qatarında Qońırat rayonı 35-sanlı ulıwma orta bilim beriw mektebiniń oqıwshıları Xojamuratov Hasan hám Husan da múnásip qatnasıp, usı joqarı nátiyjege óz úleslerin qostı.

Jeńimpazlarımızdı shın júrekten qutlıqlaymız hám olarǵa jánede úlken jeńisler tileymiz!