Qaraqalpaqstanda “Mártlik mektepleri”ne kiriw imtixanları baslandı

Búgin Respublikamız boylap “Mártlik mektepleri”ne kiriw imtixanlarınıń birinshi basqıshı bolıp ótpekte. Talabanlar ana tili hám matematika pánlerinen test sınaqların tapsırmaqta.

📍 Test sınaqları tómendegi orınlarda joqarı dárejede shólkemlestirildi:

➖ Bilim hám mamanlıqlardı bahalaw agentliginiń Qaraqalpaqstan Respublikası basqarması imaratı;
️➖ Qaraqalpaq mámleketlik universitetiniń sport sarayı;
➖ Nókis mámleketlik pedagogikalıq institutınıń sport kompleksi;
️ ➖ Nókis qalası 1-sanlı qánigelestirilgen mektep-internatı.

✅ Imtixan processlerin Nókis áskeriy prokurorı, ádillik polkovnigi Aziz Matyakubov hám Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı Aybek Dáwletbaevlar baqlap, test sınaqlarınıń ashıq-aydın, ádalatlı hám belgilengen tártip-qaǵıydalarǵa muwapıq ótkerilip atırǵanın kórip shıqtı.

 Barlıq qatnasıwshılarǵa áwmet hám joqarı nátiyjeler tileymiz!